 Takka vere midlar frå Den kulturelle skulesekken kunne vi igjen arrangere forfattarbesøk. Denne gongen fekk vi besøk av Bjørn Sortland. Han har hittil skrive 39 bøker, både for barn, ungdom og vaksne. Han er kanskje særleg kjend for serien om "Kunstdetektivene" der han har skrive bøker om ulike mysterie frå forskjellige byar: "Bergen-mysteriet", "Barcelona-mysteriet" og " Paris-mysteriet". Alle 9.klassene i Ørsta fekk møte han. Dessverre måtte vi avlyse besøket på Vartdal skule då Sortland vart akutt sjuk.
Sortland snakka om parallellar (samanehengar) mellom forteljarstruktur (teknikk) i bok og film.
Det såg ut til å engasjere elevane. Han brukte filmen "Notting hill" som eksempel når han foklarte om korleis ein film er bygd opp.
Han las også eit kapittel frå ungdomsboka si:"12 ting som må gjerast rett før verda går under".
Vellukka besøk! Sortland var ialle fall svært nøgd med elevane; flott framferd, dei viste interesse og var engasjerte.
Birgitt Barstad Sørheim, Ørsta folkebibliotek
|
Søk i katalogen
