Påska er tid for lesing av kriminalhistorier, og for mange er påska også tid for reiser og planlegging av reiser. Vi har prøvd å slå saman mange gode tankar, så her kan du prøve deg på nokre påskenøtter som tar deg med på reiser både hit og dit. Skatten du finn på kvart reisemål er lesetips til kriminalromaner med tilknyting til denne staden.  1. Den kriminelle vandringa vår startar i hovudstaden i eit land med store kontrastar mellom kaldt og varmt. Her er det førenamnet som særmerkjer individa, ikkje etternamnet, og slektsbanda er svært sterke.
SVAR 2. Neste stopp er kongens by. Her køyrer vi karusell og et pølse medan vi drøymer om svarte diamantar. SVAR 3. I staden for å sjå på elg i solnedgang rir vi her inn i solnedgangen. Landskapet er prega av støvete ørkenområde, kaktusar og "grandiose" kløfter. Staten har mange folkeslag, m.a. ei stor gruppe av det opprinnelege folket i denne verdsdelen. Hovudstaden i denne staten har eit mytologisk namn med heite assosiasjonar. SVAR 4. På denne årstida er det godt å halde seg i dette klimaet. Vi held fram til eit heilt anna land, men ber med oss minnet om den mytologiske skapnaden i forrige oppgåve. Den gamle mytologien har sett solide og synlege spor etter seg her. Samstundes er vi no nær opphavet til vår "mytologi", og ikkje minst opphavet til den institusjonen vi representerer. SVAR 5. Vi skal til eit land som ein gong var idealet for ein kjend gymnaslærar, og mange med han. Byen er verdas største hamneby, og har gitt opphav til eit slanguttrykk som tyder noko slikt som lurt trill rundt og frårana alt. SVAR  6. No får vi ta oss saman og reise mot meir "danna" strok. I dette området har det vore kriminelle tilstandar "en masse" i lange tider, sjølv om tédrikking kanskje er den mest utbredte hobbyen i dette landet. Kvinner i same klesdrakt som tradisjonen vil gi bibliotekaryrket har synt forunderlege evner til å sjå problem som utfordingar. Her ligg også to av dei mest prestisjetunge utdanningsinstitusjonane i landet. SVAR 7. Det formelle namnet på denne byen er verdas lengste, men utanfor landet er byen kjent med eit anna namn. Byen vert òg til kalla Østens Venezia, og er m.a. kjent for sine flotte tempel og ekslusive stoff. SVAR 8. Vi vender nasen heimover, men på vegen skal vi innom hovudstaden til broderfolket. For omtrent 25 år sidan utløyste feilnavigasjon intenst politisk diplomati her. SVAR 9. Vi avslutter turen i heimlege trakter sao vi kan sjao pao naturen og sjao etter andre som har feilnavigert i den djupe fjorden. SVAR Takk for turen og god påske! Dersom du ikkje fekk med deg fjorårets labyrint finn du den her.
| 
Søk i katalogen
